Sou nou
AYITISKILL se kote talan dijital ayisyen ak kliyan rankontre.
Poukisa AYITISKILL
Gen anpil jèn ayisyen ki gen bèl konpetans dijital: design, montaj videyo, sit entènèt, ekriti, tradiksyon, mizik. Souvan, se lè yon moun konnen yon moun ki konnen yon moun yo jwenn travay.
AYITISKILL vle chanje sa: yon kote kliyan ka wè travay yon moun deja fè, konpare, epi kontakte l dirèkteman, an Kreyòl, an Fransè oswa an Anglè.
Sa nou kwè
Onètete
pa gen fo pwofil, fo avi ni fo chif sou sit la. Tout sa w wè soti nan vrè itilizatè.
Respè
règ kominote yo aplike pou tout moun, epi move mo bloke otomatikman.
Sekirite
verifikasyon idantite, verifikasyon 2 etap, pwoteksyon kont fwod, ak yon ekip ki li chak rapò.
Kreyòl an premye
sit la fèt pou moun ann Ayiti ak nan dyaspora a, nan lang yo pale chak jou.
Kote nou ye kounye a
AYITISKILL fèk lanse epi li an vèsyon beta. N ap amelyore l chak semèn, sitou ak sa itilizatè yo di nou.
Kounye a sit la mete moun an kontak epi l ede yo swiv pwojè yo. Li pa jere peman ant kliyan ak talan.
Ann bati l ansanm
Yon ide, yon pwoblèm, oswa ou vle travay avèk nou? Ekri nou.